Pozitivam Jaunuo goda īsuokumam — latgalīšu teatris Reigā

Autors: Ilze Sperga
Avots: Latgolys Studentu centrs

Kab reidzinīkim izduovynuotu pozitivu Jaunuo goda suokumu i paruodeitu, kai Latgolā svietej Zīmyssvātkus, 2013. goda 5. janvarī 19 stuņdēs vokorā (īeja atvārta nu 18:15 stuņžu) kinuteatrī "Splendid Palace", Reigā, Elizabetis īlā 61, nūtiks Baļtinovys dramatiskuo kolektiva "Palādas" vīsizruode "Ontons i Zīmassvātki".

Izruode "Ontons i Zīmassvātki" ir pazeistamuos lugu autoris Danskovītis serialkomedejis "Ontons i Anne" 6. sereja vīnā cēlīnī. Izruodis ilgums — 1h i 50 min. Izruodis volūda — latgalīšu. Režisore: Anita Ločmele

Reklāma

Kaidi ir vysim meiluo varūņa Ontona Zīmyssvātki tuolā Latgolys cīmā? Annis vadakla grib sareikuot eistynus seņču Zīmyssvātkus, kab vysi mozbārni zynuotu, kai tūs pareizi svieteit. Ontons i Anne pīkreit. Pošā svātku vokorā seņču tradicejuos īsalauž ari myusu dīnu realitate, nu, nasaverūt iz tū, vyss beidzas labi i svātki izadūd!

Izruodē skateituojim byus daudz puorsteigumu un atkluojumu ar daudz jautrim breižim.

Ar izruodis "Ontons i Zīmassvātki" golvanajim varūnim daudzi teatra meiļuotuoji jau ir sasapazynuši Latvejis Nacionaluo teatra izruodē "Latgola.lv", kas taiseita taišni piec Baļtinovys dramatiskuo kolektiva izruodis "Ontons i Anne" motivu.

Kab dūtu īspieju Reigys skateituojim nūsavērt ari Baļtinovys dramatiskuo kolektiva "Palādas" īstudātuos lugys originalverseju, kura sovā laikā tik cīši īsapatyka režisoram Valdim Lūreņam, kolektivs spēlēs Reigā.   

Vysā serialkomedejā "Ontons i Anne" ir ostonis serejis. "Ontons i Zīmassvātki" ir komedejis 6. sereja. Sovukuort Latvejis Nacionaluo teatra īstudātajā komedejā "Latgola.lv" ir īkļautys pyrmuos treis komedejis "Ontons i Anne" serejis.

Biletus var nūpierkt kinuteatra "Splendid Palace" kasē, vysuos SIA "Biļešu serviss" kasēs i internetā www.bilesuserviss.lv.

Vaira informacejis www.lgsc.lv

Par rakstu pārpublicēšanas noteikumiem lūdzam kontaktēties ar Travelnews.lv redakciju.

latgaļu teātris Rīga

Citi raksti par šo tēmu:

26. jūlijā Daugava Jēkabpils novadā būs pilna ar laivotājiem! (19.06.2025)

Rīgā, Siguldas novadā un Daugavpilī 35 dažādos pasākumos izskanēs folkloras festivāls «Baltica» (22.06.2025)

Latvijas dzelceļa vēstures muzejā tiks atklāta mūzikas instrumentu kolekcijas izstāde «Pieskāriens» (22.06.2025)

Vasaras «Garās piektdienas» un ekskursijas Rīgas vēstures un kuģniecības muzejā (22.06.2025)

Deviņu valstu sadarbības projektā stiprinās Eiropas kultūras galvaspilsētas titula pēctecību (22.06.2025)